TUDA MALU IHA BIDAU PNTL KAPTURA JOVEN NAIN TOLU NO HALIBUR SASÁN KROAT BALU
TUDA MALU IHA BIDAU PNTL KAPTURA JOVEN NAIN TOLU NO HALIBUR SASÁN KROAT BALU
24, outubru 2022 (SRP) – PNTL (Polísia Nasionál Timor-Leste), liuhosi Servisu Sekreta SIPN, junta ho Unidade Falintil, SNI, N2, S2 no Makikit, iha loron domingu kalan ne’e kaptura ona jovem nain-3 ne’ebé envolve iha konfrontasaun tuda malu entre Bidau Akadiruhun no Bidau Tahu Laran iha Suku Akadiruhun, Postu Administrativu Nain-Feto, Munisípiu Dili. Informasaun ne’ebé ekipa servisu sekreta rekolla katak konfrontu ne’e hahú hosi joven sira bolu malu iha oras tuku 6 lorokraik hodi halibur hamutuk hemu tua iha Largo Lecidere, nune’e iha oras tuku 8 kalan sira lao grupu lori sasán kroat halo provokasaun ba malu hodi hakilar no temi “milisia” no kontinua kedas tuda malu iha estrada públiku. Antes ne’e iha loron rua ba kotuk, ekipa servisu sekreta ba ona iha terenu hasoru vitima hodi hetan informasaun kona-ba autór sira, maibé autoridade lokal no komunidade sira rasik la kuñese tanba maioria joven sira ne’e mesak oin foun deit. Hafoin rona informasaun hirak ne’e ekipa servisu sekreta forsa rua nian kompostu hosi SIPN, SNI, N2, S2, Makikit hetan akompañamentu seguransa hosi Polísia Militar, BOP no Forsa Rezerva, lao tama sai Bairru laran hodi kaptura suspeitu sira ne’ebé família subar halo mós aprensaun ba sasán kroat hanesan katana, tudik, vizka no rama oan hodi lansa ne’ebé kategoria kontra lei númeru 5/2017, prátika arma branca. Entretantu joven nain-3 ne’ebé ekipa konjunta kaptura maka hanesan ASM tinan 30, hela iha Kintal Bot, Suku Santa Cruz, nudar traballadór iha kompanhia produsaun Cafe. SPF tinan 26, hela fatin Aldeia Bedik, Suku Bidau Akadiruhun nudar estudante akademiku no ikusliu suspeitu DM tinan 30, hela iha Aldeia 01 Bedik, Suku Akadiruhun, nudar motorista iha embaixada akreditadu ida iha Timor-Leste. Suspeitu nain-3 hamutuk ho evidénsia hirak ne’e ekipa konjunta entrega ona ba eskuadra PNTL Nain-Feto, hodi kontinua halo prosesu.#AX
Notisia Kompletu bele klik iha link refere :
