Juvinál da Conceição mantein lidera Suku Bidau Akadiruhun ba 2023-2030
DILI 13 novembru 2023 (TATOLI) – Kandidatu Xefe Suku, númeru rua, Juvinal da Conceição, kontinua lidera suku Bidau akadiruhun ba tinan 2023-2030 ho votu 759. “Ha’u agradese ba populasaun iha Suku Bidau Akadiruhun ne’ebé nafatin fó fiar mai hau atu lidera ba 2023-2030 atu servisu hamutuk ho povu ba dezenvolvimentu nasaun nian”, Juvinal da Conceição dehan ba Tatoli iha sentru votasaun Aldeia Bedik, Suku Akadiruhun, Postu Administrativu Na’in Feto, Munisípiu Dili, ohin. Nia hateten, programa sira n’ebe mak durante halo ona fó benefisiu ba populasaun iha suku Akadiruhun tanba ne’e mak sira kontinua tau fiar atu lidera tan tinan hitu mai. “Ha’u-nia programa durante ne’e la’o mak haree liuba sosiál sira hanesan idozu, kbiit laek, bolsa da mae no mos Programa Nasionál Dezenvolvimentu Suku (PNDS) ida-ne’e mak ha’u tau nafatin priopridade ba oin atu dezenvolve suku ne’e ho di’ak” nia relata. Nia esplika, hanesan lideransa lokal sei la servisu mesak maibé servisu hamutuk ho joventude sira atu kolabora malu hodi lori suku ne’e ba oin.
Notisia kompletu bele klik iha link refere; Fontes Notisia: https://tatoli.tl/2023/11/13/juvinal-da-conceicao-mantein-lidera-suku-bidau-akadiruhun-ba-2023-2030/
