Direitor Geral Komunikasaun Social Florindo da Costa, esplika hela politika IX governu nian liu husi Secretaria Estado Komunikasaun Social (SEKOMS) konaba establesementu plataforma suku dijital. Hafoin ida ne’e DG Sekoms kontinua halo abertura ba atividades formasaun Plataforma Suku Dijital iha Sede Suku Akadiruhun, Segunda (04/05). (Foto;Ekipa SISD-Akadiruhun)
SISD-AKADIRUHUN, 12 MAIU 2026 – Tuir politika IX governu Konstitusional liu husi Sekretaria Estado ba Komunikasaun Sosial establese plataforma suku dijital iha Suku Akadiruhun, nudar meius ida hodi fasilita komunidade sira asesu ba informasaun suku.
Florindo da Costa, Diretur Jéral Komunikasaun Sosial ne’ebe reprezenta Sekretariu Estadu Komunikasaun Sosial (SEKOMS) iha ninia deskursu bainhira halo abertura ba formasaun konaba jornalizmu baziku ba pessoal suku Akadiruhun, segunda (04/05) iha Sede Suku Akadiruhun hateten establesementu plataforma suku dijital ida ne’e hanesan meius ida hodi fasilita komunidade sira atu asesu ba informasaun konaba atividdes suku nian.
“Ita iha situasaun ohin loron hakarak ka lakohi, ita iha avansadu Teknolojia ohin loron, ita mos presiza avansa ba oin, la’os hateke ba kotuk, uluk buat hotu uza manual, dalaruma liafuan ho liafuan hatete ba malu, dalaruma bele halo, no dalaruma labele halo, no dalaruma hateten lia fuan lalos, dadus ne’e imprtante, tanba saida mak suku dijital ne’e importante, tanba imi tenke iha koinesimentu kona-ba servisu elektoniku, elektroniku ne’e liga ho internet liu liu informasaun bazika sira iha suku no aldeia”, tenik Florindo
Tanba ne’e, Diretor Jeral ne’e husu ba formando sira atu aproveita tempu ne’e ho didiak, nune’e bele kompriende konaba oinsa hakerek informasaun ruma no fo’o sai iha pajina website suku nian.
“Husu ba formandu sira aproveita tempu ba formasaun ne’e hodi bele aprende konaba suku dijital, tanba suku dijital importante atu ema bele asesu dadus, entaun dadus sira ne’e mai hosi imi sira tuir formasaun ne’e mak fó sai dadus suku nian”, dehan Direitor geral Sekoms.
Xefe Suku Akadiruhun, Juvinal da Conceiçâo hato’o liafuan boasvindas ba konvidadus sira iha abertura ba atividades formasaun Plataforma Suku Dijital, Segunda (04/05) iha Sede Suku Akadirun. (Foto ; Ekipa SISD-Akadiruhun)
Iha sorin seluk Xefi Suku Akadiruhun, Juvinal da Conseção hato’o agradesementu ba Secretaria Estado Komunikasaun Sosial tanba bele establese ona Plataforma suku dijital iha Akadiruhun liga ba informasaun dijital nian, ida ne’e importante tebes ba joventude sira iha konsellu suku.
Tanba ne’e Lideransa Suku ne’e husu mos ba partisipante sira atu aproveita tempu semana ida nia laran ne’e hodi aprende no hatene konaba oinsa atu utiliza Sistema dijital ne’e ho didiak.
Partisipa iha seremonia abertura ba formasaun jornalizmu baziku ne’e maka hanesan Diretur Jeral SEKOMS Florindo Da Costa, Representante Administrador Postu Administrativu Nain Feto, Diretur DNDM Adriano Monteiro, Representante NGO Dili Adaun Araujo, Offisial Polisia Suku Akadiruhun, Pessoal teknika husi Telkomcel, funsionario Sekoms no formando sira hamutuk nain ruanulo resin.
Formasaun ne’e hahu husi loron Segunda to’o sesta feira (04 – 08 Maiu 2026). Materia ne’ebe fahe ba formando sira maka hanesan oinsa hakerek notisia, opiniaun, biografia. Aliende ne’e mos iha material seluk konaba oinsa dezenha avizu no informasaun badak seluk liu husi CANVA, no ikus liu maka husi parte Telkomcel mos sei fahe material konaba oinsa utiliza Internet ho saudavel nune’e mos husi parte Childfund nian aprezenta mos konaba oinsa kontrola labarik sira bainhira uja internet.
Hakerek : Equipa Formando/a Sentru Informasaun Ssuco Dijital (SISD) Akadiru-hun
Editor : Equipa Formador Jornal Parade Dijital (JPD) DNDM SEKOMS
