Imagen: Familia Celia (husi karuk-Celia M. P da Silva) husi los Sergio Maria do Esperito Santo ho nia oan nain 6
SISD-Akadiruhun 07 Maiu 2026
Hahu husi gosta tein hodi fornece aihan espesial ne’ebe nakonu ho sabor ba familia maibe ikus mai dapur Celia nakfilak ba sentru kreatividades kulinaria ne’ebe kuinesedu iha suco akadiruhun nudar Catering ida ne’ebe hanaran kompanya Graciamor Lda.
Maske uluk sei kiik Celia Maria Pereira da Silva ne’ebe moris Dili loron 22 fulan Maiu tinan 1973 mehi hakarak sai ema kurador ida hodi ajuda ema seluk ne’ebe iha problema ho Nehan alias hakarak sai Doutora desntista ida, maibe mehi ne’e hafalon ho nakukun deit la sai realidade.
Esforco hotu-hotu halao hodi atinji mehi ne’e, dalan ida mak Celia hili tenki hahu uluk ho kuinesementu siencia, no hakarak tebes atu partisipa iha prosesu aprendisazen.
Aifuan domin husi Domingos da Silva no inan Ines Pereira hahu dadaun kuinese mundo nia furak iha ensino aprendisazen preprimariu iha escola Sao Jose Balide Dili no finaliza ninia estudo iha tinan rihun ida atu sia walu nulu resin hitu (1987).
Faktus sira hatudu katak nudar dona da casa ida laos sai dezafiu ida hodi halao atividades oin-oin ne’ebe produtivu, atu sai susesu papel nudar inan ida maske ho serbisu ne’ebe dobru hodi tau matan ba familia Silva no Pereira.
Hafoin remata prosesu aprendisazen iha ensino preprimaria feto isin mutin ne’e koriozo atu haklean tan ninia kuinecementu iha mundo edukasaun nune’e hahu enkreve iha ensino primaria iha escola colegio Sao Paulo Cestu no finaliza iha tinan rihun ida atus sia sia nulu (1990)
Feto hamnasa dor ho fuk ben ne’e komfesa katak edukasuan mak nudar save ba buat hotu nune’e ba nia kontinua koko haklean liu tan ninia prosesu aprendisazen iha ensino sekundariu Cristal no finaliza iha tinan rihun ida atus sia sia nulu resin tolu (1993).
Celia nudar filha unica ou oan feto mesak husi uma lisan Darlari Baucau hafoin remata ninia estudo iha ensino sekundariu hakarak tebes hariku liu tan kapasidade natureza ne’ebe iha hodi hasae tan ninia abilidade sira iha tinan rihun ida atus sia sia nulu resin tolu (1993) kontinua kedan ninia estudo iha nivel ensino superior iha Universidade Gajah Mada Jogjakarta Indonesia no la konsege finaliza ninia estudo iha ramu veternaria to’o deit iha semester VI tamba altura ne’ebe iha situasaun ne’ebe defisil ona atu hakat ba prosesu referendum nune’e ninia pai rasik la autoriza atu kontinua ninia estudo iha Indonesia.
Tempu lao dadaun idade hahu aumenta husi tinan ida ba tinan seluk atu hafurak liu tan obra maromak nian, Celia ne’ebe ho nia zodiaku gemini ne’e iha tinan rihun ida atus sia sia nulu resin neen (1996) hahu kuda domin ho Sergio Maria do Esperito Santo nudar amigo diak no serbisu hamutuk iha kompanya Arha Group iha momentu ne’eba.
Celia ne’ebe gosta basket boll nudar mos eis funsionariu iha kompanya Arha Group iha tempu okupasaun Indonesia, husi domin ne’ebe iha no forma sai uma kain ida nune’e ho grasa maromak nia haraik gerasaun foun nain neen (3) feto tolu (3) mane 3 (tolu) no oras ne’e dadaun gerasaun husi uma lisan Darlari ne’e sei kontinua sira estudo ensino superior iha Portugal, Malaysia, Indonesia nomos balun iha universidade iha Dili.
Ho fundasaun ekonomia ne’ebe naton Celia ne’ebe gosta kor mean no kinur ne’e ho inisiativa rasik hahu loke kompanya suplaiyer ba sasan uma laran nian hodi fornese ba kliente sira knar ne’e hetan apoio maximu husi ninia kaben rasik nudar mos eis funsionariu (gerente) ida iha BNCTL.
Nudar inan feton ida tenki optimista hodi fahe tempu hodi funda negosiu ho kompetisaun ne’ebe makas halo Celia la lakon vontade hodi hasoru tentasaun moris ne’e nune’e tinan 2020 hahu inisia nogosiu seluk loke catering ida hodi aumenta rendementu familia espesial ba oan sira ninia estudo.
Celia ne’ebe nudar mos delagada husi aldeia Bedik Suco Akadiruhun ne’e hanesan mos eis sekretaria iha kompanya Arha Group iha tempu Indonesia maske halao knar ne’e ho durasaun tempu badak kuaze tinan ida deit.
Ho rendementu ne’ebe naton maibe nesecidade familia Silva no Santo aumenta ba bebeik nune’e iha tinan 2010 Celia ho nia kaben hahu loke kompanya Gracia Mor lda, nudar fornesedor material uma kain nian no serbisu Catering hodi fornece hahan ba kliente sira tanto institusaun estado nomos ONG sira.
Ho esperanca Celia ekoraja feto maluk sira atu atembrani ho esforco tomak hodi hasoru situasaun saida deit importante labele moe husi esforco mak ita sei hetan buat ne’ebe ita hakarak.
Hakerek : Equipa Sentru Informasaun Suco Dijital Akadiruhun (SISD)
Editor : Equipa formador Jornal Parede Dijital (JPD) DNDM SEKOMS
